Prezident R.T.ERdogan Beştepedäki Millet maslahatlar we medeniýet merkezinde geçirilen “Medeniýet we syýahatçylyk ministrliginiň Ýörite baýraklarynyň hem-de Ýaşaýan ynsan hazynalary baýraklarynyň gowşurlyş dabarasynda” çykyş etdi.
Erdogan ähli zadyň ýokary depginde sarp edilýän zamanasynyň başdan geçirilýändigine ünsi çekip, tehnologiýa ynkylaby bilen adamyň durmuşa, daşky gurşawa, dünýä we sungata bolan çemeleşmesinde düýpli özgermeleriň bolandygyny beýan etdi.
Sanly ulgamyň ykdysadyýetden maliýe ulgamyna, medeniýetden aragatnaşyga, ähli giňişlikleri öz içine alandygyny nygtan Erdogan: “Emeli aňyň haýsy işleri edip bilýändigini, nämeleriň hötdesinden gelýandigini käte tolgunmak käte bolsa alada bilen öwrenýäris.
Aragatnaşyk we ulag şertleriniň ösmeginiň netijelerinden biri hem digital tehnomedeniýetdir.Ol günsaýyn ýaýbaňlanýar. Şol medeniýetiniň tapawutlanýan özbolyşlygy bolsa trend diýilýän birtiplilikdir.Sarp edişe esaslanýan neoliberal ulgam ýerli baýlygy, köpgörnüşliligi, gazanylanlary ýok hasap edýär ýa-da haryda öwürip, onuň ähmiýetini ýok edýär” diýdi.
Prezident Erdogan globallaşma bilen bilelikde medeni ýoýulmanyň hem bütin dünýä ýaramaz täsir ýetirýändigini aýtdy.