Dünýä ýurtlarynda geçen aý satylan elektroulaglaryň sanynyň 1,7 milliona ýetip, bu ugurda rekord goýlandygy bellenilýär. Angliýanyň Rho Motion maslahat beriş kompaniýasynyň maglumatyna görä, sentýabr aýynda satylan elektroulaglaryň sany geçen ýylyň dekabr aýyndakydan 150 müňden gowrak köp bolupdyr. Agzalýan satuwyň
1,1 milliony Hytaýda amala aşyrylypdyr. Degişli döwürde Ýewropa Bileleşiginde we Birleşen Patyşalykda bolsa, 300 müňden gowrak täze elektroulag müşderilere ýetirilipdir.
Ýylyň 9 aýynda bolsa, dünýä ýurtlarynda jemi 11,5 million elektroulag satylyp, bu görkeziji geçen ýylyň degişli döwründäkiden 22 göterim köp bolupdyr. Bu döwürdäki satuwyň 7,2 milliony Hytaýda, 2,2 milliony Ýewropa Bileleşiginde we Birleşen Patyşalykda, 1,3 milliony bolsa Demirgazyk Amerikada amala aşyrylypdyr.
Babamyrat ANNABERDIÝEW,
Türkmen döwlet maliýe institutynyň talyby.