Duşenbe şäherinde GDA agza döwletleriň çäginde guramaçylykly jenaýatlara we beýleki howply jenaýatlara garşy göreşi utgaşdyrmak boýunça Býurosynyň guramagynda GDA agza döwletleriň içeri işler edaralarynyň wekilleriniň duşuşygy geçirildi. Bu barada GDA-nyň Ýerine ýetiriji komitetiniň resmi saýtynda habar berildi.
11-nji iýulda bolan duşuşyk Täjigistan Respublikasynyň Içeri işler ministrliginiň Duşenbe şäheriniň başlygy, polisiýanyň general-maýory Saidzoda Şohruh Abdufatokhyň ýolbaşçylyk etmeginde geçirilip, oňa Azerbaýjan, Ermenistan, Belarus, Gazagystan, Gyrgyzystan, Russiýa, Türkmenistan we Özbegistan ýaly GDA agza döwletleriň Içeri işler ministrlikleriniň paýtagt bölümleriniň hem-de degişli Býuronyň wekilleri gatnaşdylar.
Duşuşygy Täjigistan Respublikasynyň içeri işler ministri Rahimzoda Ramazon Hamro açdy. Göz öňünde tutulýan mowzugyň çäginde bikanun migrasiýa, neşe jenaýatlaryny amala aşyrmagyň guraly hökmünde häzirki zaman tehnologiýalary, şeýle hem GDA agza döwletleriň içeri işler edaralarynyň paýtagt bölümleriniň göreşi babatda döwletara hyzmatdaşlygynyň geljegi uly meseleleri ara alnyp maslahatlaşyldy.