Ekologik başlangyçlary goldamak we ösdürmek boýunça “Kompas” gaznasy Dagystanyň döwlet uniwersitetiniň Ekologiýa we durnukly ösüş instituty bilen bilelikde Hazar düwlenlerini goramak boýunça toplumlaýyn maksatnamany döretmegi meýilleşdirýär. Deňiz jandarlaryny halas etmek ugrunda çäreleriň biri olaryň saglygyny dikeldiş merkezini açmakdyr diýlip, gaznanyň metbugat gullugy habar berdi.
Şeýlelikde, “Kompas” gaznasy, ady agzalan institutuň alymlary bilen bilelikde Hazar düwlenlerini öwrenmek we gorap saklamak boýunça giňişleýin maksatnama işläp düzüp başlady. Ekologlar we alymlar Hazar deňziniň ekoulgamynda möhüm orun eýeleýän Gyzyl kitaba girizilen bu jandaryň azalmagynyň öňüni almagy maksat edinýärler. Taslamanyň çäklerinde keselli we balykçylaryň toruna düşüp ýaralanan düwlenler üçin dikeldiş merkezini döretmek meýilleşdirilýär.
Düwlenleri halas etmek boýunça maksatnama ýerli balykçylar we talyp meýletinçiler gatnaşar.Ylmy-barlag işleri şu aýyň içinde başlanar.Hazar düwlenleri Hazar deňziniň ýeke-täk süýdemdirijisidir.Ol 2008-nji ýylda Halkara tebigaty goramak bileleşigi tarapyndan ýitip ýok bolmak howpy abanýan görnüş hökmünde hasaba alyndy. 2015-nji ýylda Dagystanda jandarlaryň bu görnüşini gorap saklamak boýunça maksatnama kabul edildi. 2020-nji ýylda Hazar düwleni Russiýanyň Gyzyl kitabyna girizildi.