Quacquarelli Symonds ählumumy ylmy-barlag we maslahat beriş merkezi tarapyndan uniwersitetleriň Bütindünýä sanawy düzülip, ol ýokary okuw mekdepleriniň 1 müňden gowragyny öz içine alýar. Quacquarelli Symonds sanawy düzmek üçin 6 sany görkezijiden ugur alýar: akademiki abraýy, iş berijileriň arasyndaky abraýy, salgylanylma indeksi, talyplara we mugallymlara gatnaşygy, halkara derejeli işgärleriň we daşary ýurtly talyplaryň möçberi.
QS World University Rankings 2022 sanawyna giren ýokary okuw mekdepleriniň arasynda 78-nji orny eýelän Russiýanyň okuw jaýlarynyň 48-siniň arasynda M.W.Lomonosow adyndaky Moskwa döwlet uniwersiteti öňdeligi eýeledi — diýip, guramaçylar РИА Новости habarlar agentligine habar berdiler.
Bellenilişi ýaly, Russiýanyň ýokary okuw mekdepleriniň birbada 48-si sanawyň taryhyna ilkinji gezek girdi.Bu babatda Hytaý (58), Beýik Britaniýa (90), ABŞ (177) Russiýadan öňe geçdi. Şunlukda, sanawda Russiýanyň okuw jaýlarynyň arasynda Moskwa döwlet uniwersitetinden soň, Sankt-Peterburg döwlet uniwersiteti ikinji, Nowosibirsk döwlet uniwersiteti üçünji, Tomsk döwlet uniwersiteti dördünji we Moskwa döwlet tehniki uniwersiteti bolsa bäşinji orna çykdy.