Ginnesiň rekordlar kitaby tarapyndan 2019-njy ýylyň mart aýynda dünýäniň iň garry adamy ady berilen Tanaka düýn 119 ýaşyna gadam basdy.
Ýaponiýanyň günorta-günbataryndaky Fukuoka welaýatyndaky garrylar öýüniň birinde ýaşaýan Tanakanyň el hereketleriniň üsti bilen işgärler bilen aragatnaşyk saklaýandygy mälim edildi.
Sanly tapmaça oýnamagy halaýan Tanakanyň şokolad we gazlandyrylan içgiler halaýandygy habar berildi.
9 doganyň 7-njisi bolup 1903-nji ýylyň 2-nji ýanwarynda dogulan we 19 ýaşynda durmuşa çykan Tanakanyň ýoldaşynyň we oglunyň 1937-nji ýylda II Hytaý-Ýapon urşuna gidendikleri aýan edildi.
Tanakadan ozal dünýäniň iň garry adamy, 2018-nji ýylyň iýul aýynda 117 ýaşynda ýogalan ýaponiýaly zenan Çiýo Miýako bolupdy.
Ginnesiň rekordlar kitabyna görä, hasaba alynan dünýäniň iň garry adamy 1997-nji ýylda 122 ýaşynda aradan çykan fransuz zenan Žanna Luiza Kalman bolandygy habar berildi.