Erkekleriň arasynda dünýäniň birinji raketkasy ispaniýaly Karlos Alkaras şikes aldy. Bu şikes onuň golaýda geçiriljek Awstraliýa Açyk uly tuwulgasynda gatnaşmazlygyna sebäp bolup biler diýip,Relevo sport neşiri habar berýär.
Habar berlişi ýaly, Alkaras Alikante tennis akademiýasynda türgenleşýän mahalynda, 15 ýaşly tennisçi Darwin Blanş bilen geçirilen synag duşuşygynda şikes alypdyr.
Ýeri gelende bellesek, Awstrakiýa Açyk — 2023 bäsleşigi 2023-nji ýylyň 16-29-njy ýanwary aralygynda geçiriler. Ýaryşyň häzriki çempiony ispaniýaly Rafael Nadal hasaplanýar. Ol geçen ýylky finalda russiýaly Daniil Medwedewden üstün çykypdy.