Dünýäniň 1-nji raketkasy Eşli Barti garaşylmadyk ýagdaýda tennis bilen hoşlaşýandygyny habar berdi.
WTA-nyň metbugat gullugy bu barada awstraliýaly tennisçiniň: Tennis maňa ähli zady berdi we men oňa juda minnetdar. Ähli arzuwlaryma ýetdim. Indi täze arzuwlaryma sary ýola düşýärin diýendigini ýazdy.
Eşli bu karara ikinji gezek gelýär. Ol karýerasyny 2014-nji ýylda hem ýapypdy, ýöne iki ýyldan soň ýene-de kortlara dolanypdy.
Ýeri gelende aýtsak, awstraliýaly tennisçi WTA ýaryşlarynda 15 gezek ýeňiji boldy. Ol üç gezek Uly tuwulgalaryň hem ýeňijisidir. Tutuş 119 hepdeläp WTA-nyň reýtinginiň başyny çekdi. Bu bolsa tennis taryhyndaky iň gowy netijeleriň ýedinjisidir.