Dünýäde iň uzak ýaşly Huan Wisente Peres Mora 2-nji aprelde 114 ýaşynda Wenesuelada aradan çykdy. Bu barada ýurduň Prezidenti Nikolas Maduro habar berdi diýip, Ren.tv ýazýar.
2022-nji ýylyň fewralynda Mora Ginnesiň rekordlar kitabyna dünýäde iň uzak ýaşly erkek kişi hökmünde girizildi.
Prezident Maduro özüniň sosial ulgamdaky sahypasynda onuň ýakynlaryna we ýaşaýan El-Kobre şäheriniň ähli ýaşaýjylaryna gynanç bildirdi.
El Nacional gazeti Peres Moranyň öýken-dem alyş ýolunyň keselinden aradan çykandygyny habar berdi.
Huan Wisente Peres Mora 1909-njy ýylyň 27-nji martynda doguldy, ol maşgaladaky on çaganyň biridi. Onuň özüniň 11 çagasy bardy.
Peres Mora uzak ýaşamagynyň syryny hemişe zähmet çekendigi, doly bahaly dynç alandygy, ir ýatandygy bilen düşündirdi.