AnTuTu bençmarky 2022-nji ýylyň mart aýy üçin dünýädäki iň kuwwatly Android smartfonlarynyň onlugyny hödürledi. Täze reýtingde 2022-nji ýylyň mart aýynda toplanan maglumatlar ulanyldy. Sanawda iň ýokary bal däl-de, ortaça ballar görkezilýär.
Birinji orny ortaça 981 496 bal bilen Xiaomi 12 Pro, ikinji orny Motorola Edge 30 Pro, üçünji orny Realme GT2 Pro eýeledi.
Belläp geçsek, bu aýyň sanawyndaky 10 sany flagman modeliniň ählisi 2022-nji ýylyň iň täze prosessory bilen üpjün edildi. Snapdragon 8 Gen 1 4nm tehnologiýasy bilen gurnaldy. Reýtingde MediaTek Dimensity 9000 bilen enjamlaşdyrylan ýekeje-de smartfon ýok, ýöne ol hem 4 nm tehnologik proses bilen döredilipdi.