6-njy fewralda başdan geçirilen we Asyryň Betbagtçylygy hökmünde häsýetlendirilýän, güýç merkezi Kahramanmaraş welaýaty bolan 7,7 we 7,6 bal ululygyndaky ýer titremelerde zyýan çeken adamlar üçin Russiýada ýygnalan ynsanperwer kömegiň 200 tonna ýetendigi mälim edildi.
Türkiyäniň Moskwa şäherindäki ilçihanasyndan berilen beýanatda, Russiýada ýygnalan ynsanperwer kömegiň 200 tonna ýetendigi bellenip: "Haýyr-sahawatçylara, kömekleriň paketlere geçirilip howa menziline ýetirilmegini üpjün edenlere we arman-ýadaman zähmet çekýän Türk howa ýollary kärhanasyna minnetdarlyk bildirýäris" diýip habar berildi.
ABŞ-nyň Döwlet sekretary Entoni Blonken ýer titremelerden soň, Türkiyä we tebigy apatyň täsir ýetiren beýleki döwleti bolan Siriýa beriljek ynsanperwer kömekleriň mukdarynyň 185 million dollara ýetirilendigini beýan etdi.
Entoni Blinken Twitterden beren beýanatynda, häzirki wagta çenli berilen 85 million dollara goşmaça ýagdaýda ýene-de 100 million dollarlyk ynsanperwer kömegiň beriljekdigini aýan etdi.
Entoni Blinken: "ABŞ türk we siriýanyň halklarynyň ýanynda bolmaga dowam eder" diýip belledi.
Bosniýa-Gersegowinadaky Katolik jemgyýet, güýç merkezi Kahramanmaraş welaýaty bolan ýer titremeleriniň täsir ýetiren Türkiyedäki we Siriýadaky zyýan çeken adamlara bagyşlap ýardam ýygnady.
Serbiýa hem güýç merkezi Kahramanmaraş welaýaty bolan ýer titremelerinde ejir çeken adamlar üçin ýardam ugratdy.
Serbiýanyň hökümeti tarapyndan taýarlanan ýardamlar Türk howa ýollaryna degişli ýük uçary bilen Türkiyä ugradyldy.
Düzüminde 29 gyş çadyry, 500 ýorgan, 2 gazly kömelek gyzdyryjy, 50 mobil hajathana, 1 generator, 150 sany 5 adamlyk aşhana komplekti, 500 plastik çelek bolan ýardam Gaziantep welaýatyna ugradyldy.
NATO güýç merkezi Kahramanmaraş welaýaty bolan ýer titremelerden soň Türkiyä ugratmagy meýilleşdiren 1000-den gowrak konteýneriň ilkinji 600 sanysyny daşaýan gäminiň Italiýadan ýola çykandygyny habar berdi.
BAE Türkiyedäki we Siriýadaky ýer titremelerde zyýan çeken adamlar üçin ýygnalan ýardamlary daşaýan uçarlaryň sanynyň 118-e ýetendigini mälim etdi.
BAE habarlar agentligi WAM Türkiyä 42 uçar, Siriýa 76 uçar bolmak bilen jemi 118 uçar bilen azykdan, lukmançylyk enjamlaryndan we çadyrlardan ybarat 3 müň 375 tonna kömegiň ugradylandygyny beýan etdi.
Ugandaly musulman talyplar, güýç merkezi Kahramanmaraş welaýaty bolan ýer titremelerden zyýan çeken adamlar üçin 10 müň dollar kömek pul ugratdylar.
ABŞ-da ýaşaýan pakistanly lukmanlar, ýer titremeler sebäpli Türkiyä 365 müň dollardan gowrak haýyr-sahawat puluny ýygnadylar.
Katar ýer titremeleriniň zyýan ýetiren sebitlerdäki ýaralara melhem bolmak maksady bilen Türkiyä 3 uçar ýardam ugratdy. Uçarlarda 90 mobil hajathana, 25 generator, ýatylýan haltalar we gyş çadyrlary bar.