Dünýä ýurtlary Bolu Kartalkaýa liža merkezinde myhmanhanada bolan ýangynda 76 adamyň ýogalmagyna uly gynanç bildirýär.
DKTR-nyň Prezidenti Ersin Tatar, waka uly gynanç bildirýändiklerini nygtady.
Ersin Tatar duýgudaşlyk ýüzlenmesinde “Ýangynda ýogalan doganlarymyza Alladan rehnet, hossarlaryna sabyr dileýäris we gynanç bildirýäris. Ýaralanan doganlarymyza hem gyssaly şypa dileýäris” diýdi.
Azerbaýjanyň Prezidenti Ilham Aliýew, Bolu Kaltalkaýa liža merkezinde myhmanhanamada bolan ýangynda ýogalanlar üçin Prezident R. T. Erdogana gynanç bildirdi.
Azerbaýjan tarapyndan berlen beýannama görä, Aliýew ýüzlenmesinde “Ýangynda köp sanly adamyň ýogalmagy bizi çuňňur gynandyrdy. Ýangyn sebäpli uly gynanç bildirýäris. Öz adymdan we Azerbaýjanyň halkynyň adyndan size, ýangynda ýogalanlaryň hossarlaryna doganlyk türk halkyna uly duýgudaşlyk bildirýärin we ýaralananlara şypa dileýärin” diýdi.
Gyrgyzystanyň Prezidenti Sadyr Japarow, Prezident Erdogana ugradan duýgudaşlyk ýüzlenmesinde, gyrgyz halkynyň adyndan we öz adyndan ýangynda ýogalanlaryň hossarlaryna gynanç bildirdi we ýaralananlara gyssaly şypa diledi.
Russiýanyň Prezidenti Wladimir Putin hem Prezident R. T. Erdogana gynanç bildirdi.
Gruziýanyň Daşary işler ministrliginden berlen beýannamada, “Ýangynda ýogalanlaryň hossarlaryna we türk halkyna uly gynanç bildirýäris” diýildi.
Gresiýanyň Premýer-ministri Kirýakos Mikotais hem sosial mediadan beren habarnamasynda, “Gresiýanyň adyndan ýangynda ýogalanlaryň hossarlaryna uly gynanç bildirýärin we ýaralananlara gyssagly şypa dileýärin” diýdi.
ÝB-niň ýolbaşçylary hem Kaltalkaýa liža merkezinde ýerleşýän myhmanhanalaryň birinde düýn gije bolan ýangyn sebäpli uly gynanç bildirdi.