Sýurih şäherinde UEFA-nyň milli ýygyndylarynyň arasynda Dünýä çempionaty ― 2022-nip saýlama tapgyryna bije çekildi.
Saýlama duşuşyklara UEFA agza ýygyndylaryň ählisi gatnaşyp biler. Şeýlelikde, 55 ýygyndy 10 toparçada ýaryşar. Toparçalaryň deň ýarynda alty, galan ýarynda-da bäş ýygyndy bolar.
Saýlama duşuşyklar 2021-nji ýylyň martynda başlar. Duşuşyklar öýde-myhmançylykda görnüşinde geçiriler.
Toparçalarda birinji orny eýelän ýygyndylar dünýä çempionatyna gatnaşmaga hukuk gazanar. Ikinji orny eýelän ýygyndylar bolsa UEFA-nyň Milletler ligasynyň iň gowy iki ýygyndysy bilen galan üç orun üçin göreşer. Pleý-of duşuşyklary 2022-nji ýylyň martynda (ýarym final 24-25-nji martda, finallar 28-29-njy martda) bolar.
Dünýä çempionaty 2022-nji ýylyň noýabr we dekabr aýlarynda Katarda geçiriler. Bu ýurt taryhynda ilkinji gezek FIFA dünýä çempionatyny kabul eder.
Toparçalar
A toparça: Portugaliýa, Serbiýa, Irlandiýa, Lýuksemburg, Azerbaýjan;
B toparça: Ispaniýa, Şwesiýa, Gresiýa, Gruziýa, Kosowa;
C toparça: Italiýa, Şweýsariýa, Demirgazyk Irlandiýa, Bolgariýa, Litwa
D toparça: Fransiýa, Ukraina, Finlýandiýa, Bosniýa we Gersegowina, Gazagystan
E toparça: Belgiýa, Uels, Çehiýa, Belarus, Estoniýa
F toparça: Daniýa, Awstriýa, Şotlandiýa, Ysraýyl, Farer adalary, Moldowa;
G toparça: Niderlandlar Patyşalygy, Türkiýe, Norwegiýa, Çernogoriýa, Latwiýa, Gibraltar
H toparça: Horwatiýa, Slowakiýa, Russiýa, Sloweniýa, Kipr, Malta
I toparça: Angliýa, Polşa, Wengriýa, Albaniýa, Andorra, San Marino;
J toparça: Germaniýa, Rumyniýa, Islandiýa, Demirgazyk Makedoniýa, Ermenistan, Lihtenşteýn.