Ähli janly-jandarlaryň dosty, teleýaýlymda gepleşikleri alypbaryjy, alym, syýahatçy we ylmyň hakyky janköýeri bolan Nikolaý Drozdow şu gün 85 ýaşyny belleýär diýip, MIR24 ýazýar.
Ol ilkinji sowet teleekranlarynda geçen asyryň 60-njy ýyllarynda peýda boldy. Aspirant şol wagt Türkmenistandan, Garagum çölünden gelipdi we studiýa ymgyr türkmen sährasynda ýaşaýan ýylanlarydyr möýleri äkelipdi. Ol soňra
Haýwanat dünýäsinde (В мире животных) atly meşhur gepleşigiň alypbaryjysy boldy.
Mahmal sesi, mylaýym ýylgyryşy Nikolaý Drozdowy iň söýgüli sowet tele alypbaryjylarynyň biri edipdi. Onuň haýwanlary eý görşi hemmeler üçin täsindi.
Alym onlarça ýurda aýlanyp gördi, planetanyň iki guşaklygynda boldy, Elbrus dagyna mündi. Nikolaý Drozdow 200-den gowrak ylmy işiň awtorydyr. Ol häzirem 85 ýaşyndadygyna garamazdan, özüni hyjuwly duýýar we Awstraliýa barada täze kitap ýazýar.