ABŞ-nyň ozalky prezidenti we şu ýylyň noýabr aýynda geçiriljek prezident saýlawynda Respublikan partiýasyndan dalaşgär bolan Donald Tramp, janyna kast edilmek synanyşygyndan soň ilkinji gezek halkyň öňüne çykyp, çykyş etdi.
Donald Tramp Miluoki şäherinde geçirilen Respublikan partiýasynyň milli kongresine gatnaşdy.
Gulagyna sargy dakylan Trampyň ýanynda düýn aýan eden wise-prezident dalaşgäri J.D. Wens hem bardy.
Donald Tramp şenbe güni Pensilwaniýa ştatyndaky mitingde tarapdarlarynyň öňünde çykyş edýärkä ýaragly hüjüme sezewar galypdy. Hüjümde mitinge gatnaşan 1 adam ýogalypdy, 2 adam hem ýaralanypdy.
ABŞ-nyň gizlin gullugy miting meýdançasynyň daşyndaky belentlik bir ýerden münberiň ýerleşýän ýerine birnäçe gezek ot açan hüjümçiniň täsirsiz ýagdaýa getirilendigini habar berdi.
ABŞ-nyň federal derňew býurosy hüjümi adamyň janyna kast etmek hökmünde häsýetlendiripdi.
ABŞ-nyň federal derňew býurosy geçirilen derňewden soň Trampyň janyna kast etmäge synanyşan we wakanyň bolan ýerinde öldürilen 20 ýaşyndaky Tomas Metýu Kruksdygyny mälim etdi.