Italiýanyň çempionaty Serie A-da Milan çempionlygyň bosagasynda dur.Rossenerililer galan 2 oýunda 4 utuk gazansalar, onda 11 ýyldan soň Skudettony eýelärler. 36-njy tapgyrda myhmançylyka Werona bilen duşuşan Milan 3-1 hasabynda ýeňiş gazandy.
Oýnuň 38-nji minutynda Faraoniniň goly bilen öňe Werona öňe saýlandy. Ýöne Milan 1-nji ýarym tamamlanmanka hasaby deňlemegi başardy.Rafael Leaonyň pasyndan soň Milan 45+3-nji minutda Sandro Tonali hasaby deňledi. 2-nji ýarymyň başynda, has takygy, 50-nji minutda edil 1-nji goldaky ýaly ýene-de Leaonyň pasyndan soň Tonali tapawutlanyp, Milany 2-1 öňe çykardy.
Oýnuň 86-njy minutynda-da Florenzi duşuşyga soňky nokady goýdy. Şeýlelikde, 3-1 hasabynda ýeňiş gazanan Milan utugyny 80-e çykaryp, 2 günden soň täze liderlige gaýdyp geldi.Duşuşykda Milanyň 2 goluny geçiren Sandro Tonali 21-nji asyrda özüniň doglan gününde tapawutlanan 3-nji milanly oýunçy boldy. 22 ýaşyny dolduran Tonaliden öň Hose Mari bilen Stefan El-Şaarawi hem öz doglan gününde gol geçiripdi.
Tonali 34-nji tapgyrda 90-njy minutdan soň Lasionyň derwezesinden hem ýeňiş goluny girizipdi.