Daşary işler ministri Mewlüt Çawuşoglu, Türkiýäniň, Russiýanyň, Siriýanyň we Eýranyň gatnaşmagynda orunbasarlar derejesindäki dörttaraplaýyn maslahatyň aprel aýynyň 3-4-i aralygynda Russiýanyň paýtagty Moskwada geçiriljekdigini aýtdy.
Çawuşoglu, BMG-da 30-njy mart O zyňyndy gününe bagyşlanyp geçirlen oturluşykdan soň Nýu-Ýorkda, Türköýünde metbugata beýannama berdi.
Russiýanyň Daşary işler ministri Sergeý Lawrowyň Türkiýä gurajak sapary hakyndaky soraga jogap beren Çawuşoglu, güýç merkezi Karamanmaraşda bolan ýer titremelerinden soň Lawrowyň Türkiýä sapar guramak isleýändigini belledi.
Mewlüt Çawuşoglu, Lawrowyň aprel aýynyň 6-7-i aralygynda Türkiýä gurajak saparynyň çäginde özara gatnaşyklaryň ähli taraplaýyn ara alnyp maslahatlaşyljakdygyny aýtdy.
Ýer titremelerinden soň Russiýanyň Türkiýä uly kömek berendigini ýatladan Çawuşoglu “ Saparyň çäginde birnäçe meseläni ara alyp maslahatlaşarys. Özara gatnaşyklar bilen birlikde galla geçelgesi ylalaşygynyň möhlediniň uzadylmagy meselesi bar. 30-njy martda penşenbe güni BMG-nyň Baş sekretary bilen hem bu mesele hakynda pikir alyşdyk.
Russiýa galla geçelgesi ylalaşygynyň 60 gün möhlet bilen uzadylmagyny kabul etdi.Emma ylalaşygyň 120 gün möhlet bilen uzadylyp uzadylmajakdygy meselesi näbelli bolmagynda galýar.Bu mesele hem gün tertibine getirler” diýdi.
Lawrow bilen Siriýa we Libiýa meselesi bilen birlikde beýleki sebitara meseleler hakynda hem pikir alyşjakdyklaryny aýdan Mewlüt Çawuşogly “Russiýanyň ýer eýeçiliginde Siriýa bilen utgaşyklyk etaby başlady. Etaba Eýran hem degişli boldy. Daşary işler ministrleriniň orunbasarlary derejesinde dörttaraplaýyn maslahat aprel aýynyň 3-4i aralygynda Moskwada geçirler” diýip belledi.