Täze Zelandiýanyň Oklend şäherinde geçirilen “ASB Classic” tennis ýaryşynda amerikaly Serena Williams ýeňiji boldy. 38 ýaşyndaky tennisçi finalda watandaşy Jessika Pegulany 6:3 we 6:4 hasaplar bilen ýeňip, karýerasyndaky 73-nji WTA çempionlygyny gazandy.
Bu eje bolanyndan soňky ilkinji çempionlygydyr. 2017-nji ýyldan bäri ilkinji kubogyny asmana göteren Serena Williams bäsleşikden gazanan 68 müň dollarlyk pul baýragyny Awstraliýanyň ýangyna garşy göreş gullugynyň haýryna geçirdi.