Geljek ýylyň tomsunda yklymyň dürli şäherlerinde geçiriljek Ýewropa çempionatynyň saýlama tapgyrynyň nobatdaky duşuşyklary geçirildi. “A” toparçada Angliýa Keýniň het-trik eden oýnunda Bolgariýany 40, soňra-da Kosowany 53 hasabynda ýeňdi. 2-nji oýunda Jeýson Sanço 2 gol geçirip, 2 goluň hem pasyny berdi. Bu duşuşyga çenli Kosowo 15 oýundan bäri ýeňilmän gelýärdi.
REKORDa 17 GOL GALDY“B” toparçada Portugaliýa iki duşuşygynda-da ýeňiş gazandy.Myhmançylykda Serbiýany 42, Litwany-da 51 ýeňen portugallaryň 2-nji duşuşygynda super ýyldyz Kristiano Ronaldo 4 gol geçirdi.
Serbiýa duşuşygynda 1 gezek tapawutlanan Ronaldonyň gol geçiren milli ýygyndylarynyň sany 40-a ýetdi.Gollarynyň sanyny-da 93-e ýetiren Ronaldo bu ugurda 109 gol geçiren eýranly Ali Daeiden soň 2-nji hatarda barýar.
Ol milli ýygyndyda 8-nji gezek het-trik etdi. Şeýle-de Ukraina Litwany 30, Serbiýa bolsa Lýuksemburgy 31 ýeňdi. “C” toparçada 2 güýçli ýygyndy, ozaldan gelýän bäsdeşler Germaniýa bilen Gollandiýa duşuşdy. Öz meýdançasynda 32 ýeňlen gollandlar myhmançylykda 42 hasabynda ýeňiş gazandy.
Soňky 11 minutda 2 gol geçiren Gollandiýanyň adyndan Frenki de Ýong, Tah (ö.d.), Malen hem-de Wiýnaldum tapawutlandy.Gollandiýa 2-nji duşuşygynda Estoniýany Babel, Depaý we Wiýnaldumyň gollary bilen 40 utdy.
Germaniýa bolsa Demirgazyk Irlandiýany Halstenberg we Gnabriniň gollary bilen 20 ýeňlişe sezewar etdi. “D” toparçada Gibraltar geçiren 2 oýnunda toruna 10 gol goýberdi.Olar ilki Daniýadan 60, soňra Şweýsariýadan 40 utuldylar.
Toparçadaky beýleki 2 duşuşyk bolsa deňlikde gutardy (IrlandiýaŞweýsariýa: 11, GruziýaDaniýa: 00). “E” toparçada Slowakiýany 40 utup, Azerbaýjan bilen deňme-deň oýnan Horwatiýa utugyny 10-a ýetirdi. 21 hasabynda tamamlanan oýunlarda Uels Azerbaýjany, Slowakiýa bolsa, Wengriýany ýeňdi.“F” toparçada 1-nji oýunlarda Şwesiýa myhmançylykda Farer adalaryndan 40, Norwegiýa Maltadan 20 üstün çykdy.
Ispaniýanyň ýygyndysy Ramos we Alkaseriň gollary bilen myhmançylykda Rumyniýany 21 ýeňmegi başardy. 2-nji oýunlarda Ispaniýanyň ýygyndysy hem Farer adalarynyň torundan jogapsyz 4 pökgi geçirdi.Gollary Rodrigo bilen Alkaser atlaryna ýazdyrdy. ŞwesiýaNorwegiýa Skandinaw derbisinde ýeňiş gazanan bolmady (11).
Maltany 10 ýeňen Rumyniýa final tapgyryna gatnaşmak mümkinçiligini dowam etdirdi. “G” toparçada bu 2 tapgyr sanawyň lideri Polşa üçin şowsuz tamamlandy.Myhmançylykda Sloweniýadan 20 asgyn gelen polýaklar öz meýdançasynda-da Awstriýa bilen golsuz deňme-deň oýnadylar.
Awstriýa 1-nji oýnunda Latwiýany 60 hasaby bilen utdy.Duşuşykda Arnautowiç 2 gol geçirdi.Sloweniýa 2-nji oýnunda Ysraýyly 32 hasap bilen ýeňmegi başardy. “H” toparçadaky oýunlar Türkiýe we Fransiýa üçin üstünlikli geçdi. 1-nji hatarda barýan Türkiýe ilki Andorrany 10, soňra myhmançylykda Moldowany 40 utdy.
Fransuzlaryň 2 oýunda 7 gol geçirip, olar ilki Albaniýany 41, soňra Andorrany 30 hasabynda ýeňlişe sezewar etdiler.Fransuzlar geçiren 7 golunyň 3-sini Kingsli Koman derwezä girizdi.Ilki Moldowany 30 ýeňen Islandiýa 2-nji oýnunda Albaniýadan 42 utulyp, 3-nji basgançaga düşdi.
BELGIÝA, RUSSIÝA HEM-DEITALIÝA ARANY AÇÝAR“I” toparçada Belgiýa bilen Russiýanyň ýygyndylary ep-esli arany açdylar. Ýeňlişsiz barýan Belgiýa myhmançylykda geçiren 2 oýnunda-da garşydaşlaryny 40 hasabynda ýeňdi.
Gollary San Marinonyň torundan Batşuaýi (2), Mertens, Çadli, şeýle-de Şotlandiýanyň ýygyndysynyň derwezesinden Lukaku, Wermalen, Alderweireld, De Bruýne geçirdi.Duşuşyklarda De Bruýne gol paslary bilen toparynyň ýeňişlerine uly goşant goşdy.
Russiýa myhmançylykda Şotlandiýany 21 (Dzýuba 40, O’Donnel 59 ö.d. — MakGinn 11), öz meýdançasynda-da Gazagystany 10 (Fernandes 89) hasabynda ýeňdi.“J” toparçada Italiýanyň ýygyndysy edil Angliýadyr Ispaniýanyň hem-de Belgiýanyň milli toparlary ýaly ýeke utuk hem ýitirmän gelýär.
Myhmançylykda geçiren 2 oýnunda Italiýa ilki Ermenistany 31 (Belotti 28, Lo.Pellegrini 77, Aýrapetýan 80 ö.d. — Karapetýan 11), soňra bolsa, Finlýandiýany 21 (Immobile 59, Jorjinio 79 p — Pukki 72 p) ýeňdi.
Toparçada 2-nji ýeri eýelemek ugrunda Finlýandiýa, Ermenistan hem-de Bosniýanyň arasynda ýiti göreş dowam edýär.