28-nji ýanwarda dört günläp Kabulda geçiren gepleşiklerinden soňra Türkmenistanyň topary we “Da Afghanistan Breshna Sherkat” (DABS) owgan energiýa şirketiniň wekilleri Nur a Jihad energiýa merkezine berilýän energiýa liniýalarynyň kuwwatlylygyny 110 kilowattdan 220 kilowata ýetirmek barada ylalaşyga gol goýdylar.Bu barada Hytaýyň Sinhua habar gullugy DABS wekillerine salgylanyp maglumat berýär.
Türkmenistanyň halkara energiýa taslamalaryna ýolbaşçylyk edýän Myrat Artykowyň baştutanlyk edýän türkmen topary 24-nji ýanwarda Kabula barypdylar. Şeýlede türkmen tarapynyň gepleşiklerine Türkiýäniň Calik Enerji şirketiniň wekilleri hem gatnaşdylar.
Iki tarap energiýa merkez bilen ilteşikli taslamadan başga-da, Türkmenistan-Owganystan-Pakistan elektrik geçiriji liniýalarynyň gurluşygy barasynda hem maslahatlaşdylar.
Gepleşikleriň näme sebäpden uzak dowam edendigi anyklaşdyrylmaýar.The post Dört günlik gepleşiklerden soňra Türkmenistan we Owganystan EGÝ-niň gurluşygy barada ylalaşyga gol goýdylar first appeared on Türkmenistanyň Hronikasy.