Disney "Gara dul" filmi üçin Skarlett Ýohanssony "Oskar" baýragyna hödürlemek işlerine girişdi. Özi-de baýraga diňe bir Ýohansson däl-de, filmiň beýleki gahrymanlarynyň hem hödürlenmegi ähtimal. Bu barada Comic Book neşirine salgylanyp, tut-news.ru habar berýär.
Degişli maglumatlar film studiýasynyň bu kampaniýa bagyşlanan web sahypasynda ýerleşdirildi. Ýöne "Gara dul" filminiň Marveliň komiksleri boýunça düşürilen filmler bilen deňeşdirilende, gaty bir şowly çykmandygy aýdylýar.
Munuň esasy sebäpleriniň hatarynda "Tükeniksizligiň söweşi" filminden soň sowet jansyzy Nataşa Romanowyň başdan geçirmeleriniň gaty bir özüne çekmeýändigi bellenilýär. Galyberse-de, filmiň biwagt çykarylandygy aýdylýar. Sebäbi ondaky wakalaryň "Tükeniksizligiň söweşi" filminden öň bolup geçýändigi sebäpli tomaşaçylar hemme zadyň gowulyk bilen gutarjakdygyny öňünden aňýarlar. Çünki olar Nataşanyň bu wakalardan soň Tanos bilen hem söweşmelidigini bilýärler.