Gibraltarda geçirilen boks agşamynyň esasy duşuşygynda WBC-iň aşa agyr agramda wagtlaýyn çempiony Aleksandr Powetkin Dillian Uaýt bilen rewanş duşuşygyny geçirdi.
Geçen ýylyň awgustynda Powetkin duşuşygyň 5-nji raundynda Uaýty nokauta gidiripdi. Bu gezek bolsa Uaýt 4-nji raundda Powetkini nokauta gidirdi. Netijede Uaýt WBC boýunça aşa agyr agramda dünýäniň wagtlaýyn çempiony boldy. Powetkin karýerasynda üçünji gezek ýeňildi. Onuň hasabynda 36 ýeňiş bar. Uaýt 28-nji ýeňşini gazandy.