8000-nji GOL GRIZMANNDAN“A” toparçada Ýewropa ligasynyň soňky çempiony “Atletiko Madrid” öz meýdançasynda “Klub Brýuggeden” 31 hasabynda üstün çykdy. Ýer eýelerinden Grizmann hem-de Koke tapawutlanyp, Antuan Grizmannyň 2-nji goly Çempionlar ligasynyň taryhyndaky 8000-nji gol diýlip hasaba alyndy.
Toparçanyň beýleki oýnunda-da Dortmundyň “Borussiýasy” Germaniýada “Monakonyň” torundan jogapsyz 3 pökgi girizdi.Oýunda ýer eýelerinden Pako Alkaser penalti urgusyndan peýdalanyp bilmedi. “B” toparçada 2 oýun hem myhmanlaryň ýeňşi bilen tamamlandy. “Barselona” myhmançylykda “Tottenhamdan” Koutinio, Rakitiç we Messiniň gollary bilen 42 üstün çykdy.
Uzakdan owadan urgy bilen tapawutlanan Rakitiçiň bu pökgüsi “Barselonanyň” şu ýaryşdaky 600-nji goly boldy.Italiýanyň “Interi” myhmançylykda garşydaşy PSW-niň 10 öňe saýlanandygyna garamazdan, Nainggolan we Ikardiniň gollary bilen 21 hasabynda ýeňşini baýram etdi. “C” toparçada PSŽ öz meýdançasynda ýaryşyň debýutanty “Srwena Zwezdany” 61 hasabynda ýeňdi.
Oýunda braziliýaly super ýyldyz Neýmar 3 gol geçirip, ol bu tapgyrda Dibala we Jekodan soň, het-trik eden 3-nji futbolçy boldy.Ol şu ýaryşdaky gollarynyň sanyny 30-a ýetirip, Çempionlar ligasynyň iň netijeli brazil futbolçylary sanawynyň öňdebaryjysy Kaka bilen deňleşdi.
Toparçadaky beýleki iki güýçli toparyň arasyndaky duşuşykda-da “Napoli” 90-njy minutda Insinýeniň goly bilen “Liwerpuly” 10 hasabynda ýeňlişe sezewar etdi.Deňeçerräk toparlary özünde jemleýän “D” toparçadaky 2 duşuşyk hem birmeňzeş hasap bilen tamamlanyp, “Şalke” myhmançylykda “Lokomotiwi”, “Porto” bolsa, öz meýdançasynda “Galatasaraýy” 10 hasabynda ýeňdi.“E” toparçada “Bawariýa” öz meýdançasynda “Aýaks” bilen 11 hasabynda deňme-deň oýnady. 4-nji minutda Hummels bilen öňe saýlanan ýer eýelerine 33-nji minutda Mazraui jogap berdi.
Gresiýada AEK bilen “Benfika” duşuşyp, portugal topary 32 hasabynda ýeňşini baýram etdi. “Benfika” Seferowiç we Grimaldonyň gollary bilen ilkinji 15 minutda 20 hasabynda öňe saýlandy. 53-nji we 63-nji minutlarda Wiktor Klonaridis hasaby deňledi.
Oýnuň 74-nji minutynda-da Semedo portugallara ýeňiş getiren oýunçy boldy. 45+4-nji minutda Ruben Diazyň gyzyl kartoçka almagyndan soň, “Benfika” 2-nji ýarymy 1 oýunçy kem oýnady. “F” toparçada “Hoffenhaým” bilen “Mançester Sitiniň” oýny diýseň çekeleşikli geçdi. 44-nji sekuntda ýer eýelerinden Belfodil hasaby açdy. 8-nji minutda Aguero jogap golyny geçirdi.
Duşuşygyň tamamlanmagyna 3 minut galanda-da, Dawid Silwa “Sitä” Çempionlar ligasyndaky soňky 5-nji duşuşykda ilkinji ýeňşini gazandyrdy.Tomaşaçysyz oýnalan “Lion”“Şahtýor” duşuşygynda ilki myhmanlar, soňra ýer eýeleri 2 gol geçirdi.
Junior Moraesiň 44-nji we 65-nji minutlardaky gollaryna 2 minutda Musa Dembele bilen Leo Dubua jogap berdi. “G” toparçada-da soňky çempion “Real Madrid” myhmançylykda Moskwanyň SSKA-syndan 10 hasabynda asgyn geldi. Ýeke-täk pökgini 65-nji sekuntda (2-nji minutda) Nikola Wlaşiç geçirdi. Şondan soň, birnäçe amatly pursatlardan peýdalanyp bilmedik “Real Madrid” “La Ligany-da” hasaba alanyňda, 3 oýundan bäri (319 minut) gol geçirip bilenok.
Duşuşygyň iň soňky minutlarynda yzly-yzyna 2 sary kartoçka alan derwezeçi Igor Akinfeýew meýdançadan çykaryldy.Geçen möwsümiň ýarym finalçysy “Roma” öz meýdançasynda Çehiýanyň “Wiktoriýa Plzen” toparynyň torundan jogapsyz 5 pökgi geçirdi. Şolaryň 3-sini Edin Jeko, beýlekileri-de Jengiz Ünder bilen täze transfer Jastin Kluiwert öz atlaryna ýazdyrdylar.
88 ÝYLLYK REKORDYNY TÄZELEDI“H” toparçada “Ýuwentus” argentinaly hüjümçisi Paolo Dibalanyň het-trigi bilen “Ýang Boýzy” 30 hasabynda ýeňlişe sezewar etdi. Şeýlelikde, “Ýuwentus” topary täze möwsümdäki 9-njy resmi duşuşygynda-da (Serie A-da 7, Çempionlar ligasynda 2) ýeňiş gazanyp, 88 ýyllyk öz rekordyny täzeledi.
Olar iň soňky sapar 1930/31 möwsüminde 8 oýunda ýeňiş gazanypdy.Toparçadaky “Mançester Ýunaýted”“Walensiýa” duşuşygynda hasap açylmady.UEFA Çempionlar ligasynda toparçadaky 3-nji duşuşyklar 2324-nji oktýabrda oýnalar.