Amerikan ýazyjysy Semýuel Deşil Hemmet 1894-nji ýylyň 27-nji maýynda Merilend ştatynyň Sent-Meriz etrabynda dünýä inýär. 13 ýaşyndan başlap, dürli işlerde işleýär.Ol sekiz ýyllap detektiw işlerinde işleýär we bu onuň eserlerinde aýdyň ýüze çykýar.
Onuň ilkinji detektiw eseri 1920-nji ýylda neşir edilýär.Hemmet bäş romanyň, birnäçe powestleriň we hekaýalaryň awtorydyr.Onuň eserleri özüniň aýdyňlygy, akgynlylygy, çeper beýan ediliş usuly bilen köpleriň göwnünden turýar.Golaýda detektiw edebiýatynyň nusgawy ýazyjysy Deşil Hemmetiň 90 ýyl mundan ozal neşir edilen hem-de şu günki güne çenli ýitdi hasaplanan bir hekaýasy okyjylar köpçüligine ýaňadandan elýeterli edildi.
Onuň “The Glass That Laughed” (Ýylgyrýan aýna) atly hekaýasy 1925-nji ýylyň noýabrynda “True Police Stories” žurnalynda neşir edilýär.Hemmetiň agtygy Juliýa Riwet onuň edebi mirasynyň gözegçisi bolup, şu mahala çenli ýitdi hasaplanan bu hekaýanyň ady agzalan žurnalda neşir edilendigini jemgyýetçilik tory arkaly anyklaýar we žurnalyň şol sanyny Hemmetiň muşdaklarynyň birinden satyn alýar.
Häzir bu hekaýa “Electric Literature” saýtynda ýerleşdirilipdir.Hemmet 1961-nji ýylyň 10-njy ýanwarynda 66 ýaşynyň içinde Nýu Ýorkda aradan çykýar.Ol esasan “Ganly hasyl” hem-de “Maltyý elguşy” ýaly romanlary bilen has giňden tanalýar.