Günorta Amerikanyň Çempionlar ligasy bolan Libertadores Kubogynda täsin waka bolup geçdi.Kubogyň esasy dalaşgärlerinden Argentinanyň meşhur klublaryndan “Riwer Pleýt” toparynyň 20 futbolçysy (4-si derwezeçi) “kowid-19” pandemiýasyna uçrady. Şol sebäpli-de topar toparçadaky Kolumbiýanyň “Sante Fe” topary bilen bolan duşuşyga 11 oýunçy bilen gatnaşdy. Ätiýaçda ýeke futbolçysy hem bolmadyk toparyň derwezesini bolsa 90 minutlap milli ýygyndyda hem oýnaýan meşhur ýarymgoragçy Enze Perez gorady.
Oýnuň dowamynda ýeke oýunçy hem çalyşmadyk “Riwer Pleýt” 2-1 hasabynda ýeňşini baýram etdi.Argentin toparyna ýeňiş getiren gollary 3-nji minutda Fabrizio Angileri, 6-njy minutda-da Hulian Alwares geçirdi. “Santa Fe” toparynyň ýeke-täk goluny-da 73-nji minutda Kelwin Osorio öz adyna ýazdyrdy.
“Riwer Pleýtiň” çykyş eden 11 oýunçysynyň altysy U23 toparyndan bolup, olaryň ikisi ilkinji gezek esasy topar bilen meýdança çykdy.