AFKKubogy ýaryşynda ýurdumyzyň adyndan wekilçilik edýän “Altyn asyr” topary toparçadaky 2-nji duşuşygyny geçirdi.Aragatnaşykçylar paýtagtymyzda Täjigistanyň “Istiklol” toparyny kabul etdi.Köpetdag stadionynda oýnalan oýna 11300 janköýer tomaşa edip, duşuşykda katarly emin Abdulla Al-Marri jürlewük çaldy.
Toparlaryň ikisi hem eden hüjümlerinden netije alyp bilmedi. Şeýlelikde, duşuşygyň 1-nji ýarymynda hasap açylmady.Aýratynam, Altymyrat Annadurdyýew käbir amatly pursatlardan ýerlikli peýdalanyp bilmedi.Oýnuň 79-njy minutynda Şeriddin Boboýew hasaby açdy.
Ildeşlerimiziň bu gola jogaby gijikmedi.Dessine 1 minut geçmänkä, has takygy, 80-nji minutda Selim Nurmyradow hasaby deňlemegi başardy.Bu oýundaky soňky gol boldy. Şeýlelikde, “Altyn asyr” toparçadaky 2-nji duşuşygynda-da deňme-deň oýnady.
Toparçadaky beýleki oýunda Täjigistanyň “Hujand” topary öz meýdançasynda Gyrgyz Respublikasynyň “Dordoý” toparyny 31 hasaby bilen ýeňdi. 17-nji minutda Bekzhan Sagynbaýewiň goly bilen öňe saýlanan myhmanlaryň torundan ýeňiş gollaryny Dilşod Wasiýew (42, 63) bilen Jahongir Ergaşew (90 p) girizdi.
Häzirki wagtda 2-nji duşuşyklardan soň, toparçada “Istiklolyň” 4, “Hujandyň” 3, “Altyn asyryň” 2, “Dordoýyň” 1 utugy bar.Toparçadaky indiki oýunlarda 30-njy aprelde “Hujand” “Altyn asyry”, 1-nji maýda bolsa, “Istiklol” “Dordoýy” kabul eder.