Demirgazyk Koreýa iň uly balistiki raketa synaglaryndan birini geçirdi.
Günorta Koreýanyň we Ýaponiýanyň berýän maglumatyna görä, raketa synagy ýurduň gündogar kenarynda geçirildi.
Raketanyň 7 müň kilometr belentlige ýetendigi we 86 minut uçandygy habar berildi.
Bu, Demirgazyk Koreýanyň şu günkü güne çenli geçiren iň uly synagy hökmünde bellige alyndy.
Demirgazyk Koreýadan berlen beýannamada ýadro mümkinçiliginiň güýçlendiriljekdigi nygtaldy.
Ýaponiýa, Günorta Koreýa we ABŞ mataerikara balistiki raketa synagyny geçiren Demirgazyk Koreýanyň hökümetini ýazgardy.