Angliýanyň Premýer-ligasynyň (APL) metbugat gullugy ýanwar aýynda liganyň iň gowy oýunçysy baýragyna dalaşgärleriň sanawyny belli etdi. Bu barada championat.com habar berýär.
Bu baýraga dalaşgärler “Mançester Ýunaýtediň” derwezebany Dawid De Hea, “Mançester Sitiniň” ýarym goragçysy Kewin de Brýoýne, “West Hemden” goragçy Jerrod Bouen, “Lidsiň” hüjümçisi Jek Harrison we “Wulwerhemptondan” Žoau Moutinýu boldy.
Geçen aý “Mançester Sitiniň” hüjümçisi Rahim Sterling Angliýanyň Premýer-ligasynyň iň gowy oýunçysy boldy. Dekabrda geçirilen bäş oýunda Sterling bäş gol girizdi we bir netijeli geçirim etdi. “Wulwerhempton” bilen duşuşykda Rahim APL-de 100 gol salan 32-nji oýunçy boldy. Sterling aýyň iň gowy oýunçysy üçin baýragy üçünji gezek aldy. Geçen gezek bu 2018-nji ýylyň noýabrynda bolupdy.