Şweýsariýanyň milli ýygyndysy DÇ-2022-niň üçünji tapgyrynda Serbiýadan üstün çykdy. Oýun 3:2 hasabynda Şweýsariýanyň peýdasyna tamamlandy.
Duşuşykda ilkinji gol 20-nji minutda Jerdan Şakiri tarapyndan uruldy. Emma Şweýsariýanyň hasapdaky üstünligi uzak dowam etmedi. 26-njy minutda Mitrowiçiň, 35-nji minutda Wlahowiçiň gol urmagy bilen Serbiýa 2:1 öňe saýlandy. 44-nji minutda Bril Embolo hasaby deňlän bolsa, 48-nji minutda Remo Froýler Şweýsariýa ýeňiş getiren goly derwezä ýollady.
Şeýlelikde, Şweýsariýa 6 utuk bilen G toparçasynda ikinji orny eýeläp, 1/8 final tapgyryna ýollanma aldy.
Tapgyrda Braziliýany ýeňen Kamerun 4 utuk bilen üçünji ýeri eýelän bolsa, toparçada ahyrky orun 1 utuk toplan Serbiýa degişli boldy.
Şweýsariýa 1/8 finalda Portugaliýa bilen çärýek finala çykmak üçin göreş alyp barar.
DÇ-2022-niň pleý-off tapgyryna 3-nji dekabrda badalga berler.