Daşoguz welaýat Polisiýa müdirliginiň Saparmyrat Türkmenbaşy etrap polisiýa bölüminiň polisiýanyň ýol gözegçiligi gullugynyň awtoulaglaryň tehniki ýagdaýyny anyklaýyş we hasaba alyş toparynyň binasynyň açylyş dabarasy boldy. "Watan" habarlar gepleşiginde habar berlişi ýaly, dabaranyň dowamynda medeniýet we sungat işgärleriniň, polisiýa edaralarynyň döredijilik toparlarynyň çykyşlaryna uly orun berildi.
Ulanmaga berlen döwrebap bina gysga wagtda we ýokary hil derejesinde guruldy.
Dabaranyň çäklerinde oňa gatnaşyjylar awtoulaglaryň tehniki ýagdaýyny anyklaýyş we hasaba alyş desgasynyň işi, iş otaglary, olaryň döwrebap derejede enjamlaşdyrylyşy bilen tanyşdylar.
Şeýle-de şu gün Daşoguz welaýat Polisiýa müdirliginiň Akdepe etrap polisiýa bölüminiň polisiýanyň ýol gözegçiligi gullugynyň awtoulaglaryň tehniki ýagdaýyny anyklaýyş we hasaba alyş toparynyň täze binasynyň açylyş dabarasy hem uly ruhubelentlige beslendi.
Bu binalar Türkmenistanyň Içeri işler ministrliginiň Gurluşyk birleşigi tarapyndan guruldy.