Futzal boýunça zenanlar ýygyndylarynyň arasynda Daşkent şäherinde geçirilen Merkezi Aziýanyň futbol assosiasiýasynyň çempionaty duşenbe güni tamamlandy.
Üç duşuşykda üç ýeňiş gazanan Eýranyň ýygyndysy sebit ýaryşynyň ýeňijisi boldy. Ýaryşy 6 utuk bilen jemlan Özbegistanyň ýygyndysy bolsa ikinji orny eýeledi. Bürünç medaly 3 utukly täjik ýygyndysy gazandy.
Şeýle hem iň arassa oýun üçin baýrak Täjigistanyň, ýörite baýrak Gyrgyzystanyň ýygyndylaryna berildi. Üç duşuşykda 7 gezek tapawutlanan eýranly futzalçy Sara Şirbeigi ýaryşyň iň netijeli oýunçysy boldy. Iň gowy oýunça niýetlenen baýrak bolsa onuň watandaşy Fareşah Karima berildi.