Kolmbiýanyň Daşary işler ministrligi X sosial media hasabyndan: "Kolumbiýa paýtagt Ankara şäherindäki Içeri işler ministrliginiň golaýynda guralan terrorçylykly hüjümi berk ýagdaýda ýazgarýar" diýip habar berildi.
Ekwadoryň Daşary işler ministrliginden berilen beýanatda, Türkiye bilen raýdaşlyk içindediklerini belläp, terrorçylykly hüjüm ýazgaryldy we ýaralananlaryň tiz wagtda sagalmaklary dilendi.
Perunyň hökümeti internet saýtyndan beren beýanatynda, Ankaradaky terrorçylykly hüjümiň berk ýagdaýda ýazgarylýandygy, türk halky we hökümeti bilen çuňňur raýdaşlyk içindedigi aýan edildi.
Salwadoryň Daşary işler ministrliginden berilen beýanatda, Ankaradaky terrorçylykly hüjüm iň berk ýagdaýda ýazgarylyp, türk halky we hökümeti bilen raýdaşlyk içindedigi beýan edildi.
Paragwaýyň hökümetiniň internet saýtyndan berilen beýanatda: "Paragwaý Respublikasynyň hökümeti Türkiye Respublikasynyň paýtagty Ankara şäherinde düýn irden terrorçylar tarapyndan guralan kamikaze hüjümini berk ýagdaýda ýazgarýar" diýip mälim edildi.
Braziliýanyň Daşary işler ministrliginiň internet satyndan berilen beýanatda, 2 polisiýa işgäriniň ýaralanan terrorçylykly hüjüm baradaky habaryň uly gynanç bilen alynandygy aýan edildi. Beýanatda: "Braziliýa türk halky we hökümeti bilen raýdaşlyk içindedigini nygtaýar. Näme sebäpli bolsa bolsun terroryň ähli görnüşlerini ret edýändigini ýene-de bir gezek nygtap geçýär" diýip beýan edildi.
Gwatemalanyň Daşary işler ministrliginiň X hasabyndan berilen beýanatda, Ankaradaky terrorçylykly hüjüm ýazgarylyp: "Türk halky we hökümeti bilen dolulygyna raýdaşlyk içindedigimizi belleýäris we ýaralanan adamlaryň tiz wagtda sagalmaklaryny dileýäris" diýip aýan edildi.
Meksikanyň Daşary işler ministrliginiň saýtynda: "Meksika Ankaradaky terrorçylykly hüjümi ýazgarýar, türk jemgyýeti we hökümeti bilen raýdaşlyk içindedigini belläp geçýär we hüjümde ýaralanan adamlaryň tiz wagtda sagalmagyny dileýär" diýip habar berildi.
Wenesuelanyň Daşary işler ministri Ywan Gil X sosial media hasabyndan beren beýanatynda, terrorçylykly hüjümi ýazgarýandyklaryny we Türkiye bilen raýdaşlyk içindediklerini beýan etdi.