Tagesschau.de: Türkiýede, Italiýada, Gresiýada-Ortaýer deňizinde tokaý ýangynlary dowam edýär.
Deutsche Welle: Germaniýa ýurda girjek adamlara koronawirus testini mejbur ýagdaýa getirdi.
nau.ch (Şweýsariýa): ABŞ-nyň Prezidenti Jo Baýden, Şweýsariýanyň 1-nji awgust Milli baýramyny gutlady.
Al-Raýa al-Katariýa (Katar): Halkara Katar gözleg we halas ediş bölüminden bir topar, tokaý ýangynlaryny söndürmek işlerine gatnaşmak maksady bilen Türkiýe ugrady.
Al-Zeman (Yrak): ABŞ-nyň Prezidenti Jo Baýden: "Yrakdaky söweş missiýamyz tamam boldy we täze bir harby hyzmatdaşlyk tapgyryna geçildi" diýip habar berdi.
Al-Watan (Oman): Bütindünýä Saglygy goraýyş guramasy: "Koronawirusa garşy ozal aýan edilen maska, sosial araçäk we şuňa meňzeş öňüni alyş çäreler Delta görnüşiniň ýaýramagynyň öňüni alyp biler" diýip mälim etdi.
Le Figaro: Maşgala içindäki zorluk: Fransiýanyň Içeri işler ministri Džerald Darmanin şu günden başlap täze öňüni alyş çäreleriň güýje girjekdigini aýan etdi.
Le Soir (Belgiýa): Marokkonyň Şasy ýurdy bilen Alžiriň arasyndaky dartgynlyga gynanýar.
Telesur (Wenesuela): Wenesuelaly milli zenan türgen Ýulimar Rohas dünýä rekordyny täzeläp, ilkinji olimpiýa altyn medalyna eýe boldy.
El Pais (Ispaniýa): Pfizer we Moderna Ýewropa Bileleşigine satýan Kowid-19 sanjymlarynyň bahalaryny gymmatlatdy.
EFE agentligi (Ispaniýa): Käbir sebitlerde wirusa ýolugýanlaryň sany ýokary bolsada, Ispaniýada Kowid-19-yň 5-nji tolkunynyň tizligi peseldi.
Interfaks: Russiýanyň iň uly tebigy gaz kärhanasy Gazprom, 31-nji iýuldan başlap Ýewropadaky, ýagny Awstriýadaky (Haidach), Germaniýadaky (Rehden), Gollandiýadaky (Bergermeer) ýerasty ammarlara gaz ýüklemegini azaltdy.
Kommersant: Moskwanyň şäher häkimi Sergeý Sobýanin: "Koronawirus pandemiýasynyň Moskwa çykdajysy 600 milliard rubldan geçdi" diýip habar berdi.
Izwestiýa: ABŞ-nyň Harby deňiz güýçleriniň Ýewropadaky we Afrikadaky serkerdesi admiral Robert Burke, Gara deňizdäki NATO degişli gämileriň Russiýanyň Harby-deňiz güýçlerine haýsy şertlerde hüjüm edip biljekdigini aýan etdi.