Al-Raýa Al-Katariýa (Katar): Liwanda derman ýetmezçiligi başdan geçirilýär... Ýurda gaýdyp barýan raýatlaryň sumkalary dermanlar bilen doly.
Al-Zeman (Yrak): Yrakda hassahananyň ýanmagy netijesinde ýogalanlaryň sany 80 adamdan geçdi. Geçirilýän derňew işiniň çäginde 13 adam göz tussaglygyna alyndy.
Al-Watan (Oman): Bütindünýä Saglygy goraýyş guramasy 1 adama birnäçe tapawutly koronawirus sanjymynyň edilmezligi babatynda duýduryş berdi. Bir adama bir görnüş sanjym edilmeli.
Die Presse (Awstriýa): Owganystanda içerki söweş, müňlerçe owgan Türkiýä gaçyp barýar.
Zeit.de: Germaniýanyň Federal Kansleri Angela Merkel: "Federal hökümet mejbury sanjymy ret edýär" diýip belledi.
Handelsblatt.de: Germaniýada sarp ediji bahalar: Iýun aýynda inflýasiýa 2,3 göterim boldy. Bahalaryň artyş tiziligi biraz peseldi.
Le Monde: Ýewropa barmak üçin ýolda deňizde ýogalan bosgunlaryň sany soňky 1 ýylda 2 esse artdy.
Le Figaro: (Kowid-19): Fransiýada düýn 792 müň 339 adama sanjym edilip, rekord goýuldy.
France 24: Kowid-19 krizisi sebäpli kynçylyk başyndan geçirýän Tunis ýardym berilmegi barada çagyryş berdi.
El País (Ispaniýa): Ýewropa Bileleşigi Ispaniýanyň 140 milliard ýewro ýetjek halas ediş bukja meýilnamasyny tassyklady.
El Korreo (Ispaniýa): Ispaniýa Kowid-19-yň "Lambda" görnüşiniň iň köp hasaba alynan 7-nji ýurdy boldy.
Telesur (Wenesuela): Kubanyň Daşary işler ministri Bruno Rodriges Parilla, ABŞ-nyň hökümetini milletiň abraýyna zeper ýetirmek we durnuklylygy bozmak üçin kampaniýa alyp barmak bilen günäkärledi.
Izwestiýa: Russiýanyň Daşary işler ministrligi, Moskwanyň Taliban bilen gepleşikler geçirmeginiň maksadyny aýan etdi: "Maksat Talibana sebitdäki howpsuzlyk bilen baglanşykly Russiýanyň garaýyşyny ýetirmek" diýip belledi.
Lenta.ru: Russiýa Kowid-19-a ýolugan adamlaryň sanynyň köplügi boýunça dünýäde 4-nji oruna geçdi. Sanawyň başynda bolsa ABŞ, Hindistan we Braziliýa ýaly ýurtlar bar.
TASS: ABŞ-nyň Döwlet sekretary Entoni Blinken: "Eger Moskwa rus hakerlere garşy çäre görmese, onda ony ABŞ ýerine ýetirer" diýip nygtady.