France 24: Alžiriň Prezidenti Abdulmejid Tebbun ýurdyň parlamentini dargatdy we möhletinden irki saýlawlaryň geçirilmegi barada çagyryş berdi.
Le Soir: Ýewropa Komissiýasy, mart aýyndan başlap mejbur bolmadyk syýahatçylyk gadagançylyklarynyň bes edilmegi barada çagyryş berdi.
France 24: NASA-nyň 'Perseverance' atly barlag-agtaryş ulagy 7 aýlyk ýolagçylykdan soň Marsa üstünlikli ýagdaýda gondy.
Al-Raýa Al-Katariýa (Katar): BMG: "Gytçylyk Somaliniň 2,6 million ýaşaýjysyna howp ýetirýär" diýip aýan etdi.
Watan (Oman): Bütindünýä Saglygy goraýyş guramasy: "Soňky 5 hepdede Dünýäde koronawirusa ýolugan adamlaryň sany 2 esse azaldy" diýip habar berdi.
Al-Raýa Al-Katariýa (Katar): Yragyň Prezidenti Berhem Salih, ýurduny başgalarynyň çaknyşyklaryna goşmazlyklary barada çagyryş berdi: Siriýa serhedinde 1 terrorçy tussag edildi.
Deutsche Welle: Germaniýada deputatlaryň aýlyklary peselýär. Geçen ýyl pandemiýa sebäpli artdyrylmadyk aýlyklaryň bu ýyl bolsa 60 ýewro azaldylmagyna garaşylýar.
Hessenschau.de: Hanau şäherinde guralan hüjümiň 1-nji ýyly: Hüjümde ýogalan adamlaryň maşgalalary: "Hüjümçi bizi hem öldürdi" diýip beýan etdiler.
Kommersant Gazedi: Russiýanyň Daşary işler ministrligi, ýurtdaky diplomatik wekilhanalaryň işgärlerine we maşgalalaryna sanjym etdirilmegini teklip etdi. Käbir ilçihanalar teklibi kabul eden bolsa, ABŞ bilen birlikde käbir ilçihanalar bolsa teklibi ret etdiler.
RIA Nowosti Agentligi: Bloomberg agentligi, ABŞ-nyň hökümetiniň şu gün Kongresiň garamagyna hödürlejek "Demirgazyk Akym-2" taslamasy bilen bagly täze sanksiýa sanawyny aýan etdi, sanawda nemes kärhanalar ýok.
RT Habar saýty: Russiýanyň Daşary işler ministrliginiň metbugat geňeşçisi Mariýa Zaharowa, Russiýanyň ÝB bilen gatnaşyklaryny kesmek islemeýändigini habar berdi.
El País (Ispaniýa): Polisiýa gullugy, rep aýdymçysy Pablo Haseliň tussag edilmeginden soň başlan protestlerde garaşsyzlygyň tarapdary we hökümete garşy bolan aktiwistleri anyklamaga girişdi.
Infobae (Argentina): Wenesuelanyň Döwlet baştutany Nikolas Maduro, harbylaryň we syýasatçylaryň Kowid-19 garşy sanjymlary ilki bolup etdirip biljekdiklerini habar berdi.
Telesur (Wenesuela): Russiýanyň Kowid-19-a garşy täze oýlap tapan sanjymy bolan Sputnik Light sanjymynyň Russiýada we BAE-de synaglardan geçirilendigini mälim etdi.