Aýdym-saz äleminiň iň abraýly baýraklarynyň biri hasaplanýan “MTV Video Music” baýraklarynyň şu ýylky dabarasyny Keke Palmer alyp barar.Nýu Ýorkda guraljak dabara 30-njy awgustdan 31-nji awgustda geçilýän gije geçiriler.
Aýdymçy, aktrisa, alypbaryjy hökmünde tanalýan Keke Palmeriň dabarany alyp barmagy bizi diýseň begendirýär diýip, “ViacomCBS Media Networks” kompaniýasynyň ýolbaşçylaryndan Brýus Jillmer belleýär. Ýeri gelende aýtsak, “MTV Video Music” baýraklarynda ýylyň wideosy baýragyna Billie Eilish-iň “Everything I Wanted”, Eminemiň “Godzilla”, Future-iň “Life Is Good”, Leýdi Gaga bilen Ariana Grandeniň “Rain on Me”, Teýlor Swiftiň “The Man” hem-de The Weeknd-iň “Blinding Lights” şekilli aýdymlary dalaşgär görkezilipdi. Ýylyň aýdymy ugry boýunça Doja Cat-iň “Say So”, Billie Eilish-iň “Everything I Wanted”, Leýdi Gaga bilen Ariana Grandeniň “Rain on Me”, Megan Thee Stallion-yň “Savage”, Post Malone-yň “Circles” hem-de Roddy Ricch-iň “The Box” aýdymlary dalaşgärlige hödürlendi. Ýylyň sungat işgäri diýlen ugurda bolsa, Post Malone, Jastin Biber, DaBaby, Leýdi Gaga, Megan Thee Stallion hem-de The Weeknd dagy özara bäsleşer.