Coca-Cola kompaniýasy onýyllygyň dowamynda malina we melhem tagamly täze içgisini müşderilere hödürlemekçi. Malina tagamy kompaniýanyň tagamlary garyşdyrmak mümkinçiligi bolan Coca-Cola Freestyle awtomatlarynda meşhurlygy sebäpli saýlanyp alyndy.
Täze içgä goşuljak beýleki hoşboý yslary kompaniýa gizlin saklaýar. Täze içgi iki görnüşde şekerli we şekersiz öndüriler.
Içgi ABŞ-da we Kanadada 19-njy fewralda satuwa çykar.
Bu içginiň müşderileriň tagamlara we hoşboý yslara bolan islegleriniň üýtgändigi bilen bagly döredilendigini kompaniýanyň işgärleri gürrüň berýärler.
Coca-Cola kompaniýasynyň Demirgazyk Amerikadaky marketing bölüminiň başlygy Şakir Moýn adatça täze tagamly içgini döretmäge azyndan bir ýylyň gerek bolýandygyny, emma malina tagamly içgi üçin bary-ýogy ýedi hepde sarp edilendigini gürrüň berýär.
Bu barada News.ru ýazýar.