UEFA Çempionlar ligasynyň taryhynda ilkinji gezek zenan emin jürlewük çalar.Fransiýaly meşhur zenan emin Stefani Frappar ertirki “Ýuwentus” “Dinamo Kiýew” duşuşygyna eminlik eder. Şeýle waka UEFA Çempionlar ligasynda ilkinji gezek bolýar. 36 ýaşyndaky Frappara Hişam Zakrani, Medi Ramuni ýardam berer.
Mälim bolşy ýaly, Frappar 2019-njy “Liwerpul” bilen “Çelsiniň” arasyndaky UEFA Super Kubogy duşuşygynda-da eminlik edipdi.Ol şonda UEFA-nyň iri ýaryşlarynda jürlewük çalan ilkinji zenan emin bolupdy.
Frappar häzirki wagtda Fransiýanyň çempionaty Ligue 1-de hem-de Ýewropa Ligasynyň duşuşyklaryna-da eminlik edýär.