UEFA klub ýaryşlarynyň final oýunlaryna eminlik etjek eminleri mälim etdi.Parižiň golaýynda ýerleşýän Sen-Denidäki “Stad de Frans” stadionynda 28-nji maýda “Liwerpul” bilen “Real Madridiň” arasynda oýnaljak UEFA Çempionlar Ligasynyň finalyna fransiýaly, ýagny ýerli emin Klemen Turpen eminlik eder.
Oňa watandaşlary, gapdal eminler Nikolýa Danos bilen Siril Gringor ýardam bererler.Benu Bastien bolsa oýnuň 4-nji emini bolar. 39 ýaşyndaky Turpen geçen möwsümde Ýewropa Ligasynyň finalynda jürlewük çalypdy.
Turpen şu möwsümde Çempionlar Ligasynda 7 duşuşyga eminlik edip, şolaryň biri-de çärýek finaldaky “Çelsi”“Real Madrid” duşuşygydyr.
“Aýntraht” bilen “Reýnjersiň” arasyndaky UEFA Ýewropa Ligasynyň finalyna sloweniýaly Slawko Winçiç eminlik eder. 42 ýaşyndaky Winçiç geçen möwsümiň finalynda 4-nji emin bolupdy. Final duşuşygy 18-nji maýda Ispaniýanyň Sewilýa şäherindäki Ramon Sançes Pishuanyň adyny göterýän stadionda geçiriler.
Ýewropa Koferensiýa Ligasynyň finalyna rumyniýaly Istwan Kowaç eminlik edip, “Roma” bilen “Feýenoordyň” arasyndaky duşuşyk 25-nji maýda Albaniýanyň paýtagty Tiranadaky Milli stadionda oýnalar.
Şeýle-de, zenanlaryň arasyndaky Çempionlar Ligasynyň finalynda bolsa, finlýandiýaly zenan Lina Lehtowaara jürlewük çalar. 21-nji maýdaky final duşuşygy Italiýanyň Turin şäherindäki “Ýuwentus” stadionynda oýnalar. 22:00-da başlanjak finalda “Barselona” bilen “Lion” topary duşuşar.