UEFA Çempionlar Ligasynda möwsümiň futbolçysy diýip, 14-nji kubogyny asmana göteren Real Madridiň fransuz futbolçysy Karim Benzema saýlandy. 12 oýunda 15 gol geçiren ýyldyz hüjümçi esasan hem toparyň finala çenli geçiren utulan-çykdy duşuşyklarynda toparynyň ýeňişlerine uly goşant goşdy.
Toparyň başga bir oýunçysy, finaldaky ýeke-täk goluň awtory, braziliýaly Winisius Junior bolsa möwsümiň iň ýaş futbolçysy baýragyna laýyk görüldi.
UEFA tarapyndan saýlanan möwsümiň simwolik ýygyndysyna-da çempion Real Madridden hem-de finalçy Liwerpulda 4 futbolçy alyndy.
Çempionlar Ligasynda möwsümiň simwolik ýygyndysy
DERWEZEÇI: Tibo Kurtua (Real Madrid)
GORAGÇYLAR: Trent-Aleksander Arnold, Wirgil Wan Daýk, Andrýuw Robertson (üçüsem Liwerpul), Antonio Rudiger (Çelsi)
ÝARYMGORAGÇYLAR: Luka Modriç (Real Madrid), Fabinio (Liwerpul), Kewin de Bruýne (Mançester Siti)
HÜJÜMÇILER: Winisius Junior, Karim Benzema (ikisem Real Madrid), Kilian Mbappe (PSŽ)