UEFA Çempionlar Ligasynda 4-nji duşuşyklarda “Milan” myhmançylykda “Real Madridi” 3-1 hasabynda ýeňlişe sezewar etdi. “Milanyň” gollarynyň birini, has takygy, 2-nji goluny geçiren oýunçy-da Alwaro Morata bolup, ol öň “Real Madridiň köýnekçesini geýipdi.
Alwaro Moratanyň bu goly “Milanyň” köýnekçesi bilen Çempionlar Ligasyndaky ilkinji goly hökmünde hasaba alyndy. Şunlukda, ispaniýaly ýyldyz oýunçy UEFA Çempionlar Ligasynda 5 dürli klub bilen gol geçiren 3-nji futbolçy hökmünde adyny taryha ýazdyrdy.
Morata “Real Madrid”, “Ýuwentus”, “Çelsi”, “Atletiko Madrid” toparlaryndan soň “Milan” bilenem tapawutlanmagy başardy.Moratadan öň şwesiýaly Zlatan Ibrahimowiç 6, argentinaly Hernan Krespo 5 klub bilen UEFA Çempionlar Ligasynda gol geçiripdi.
Ibrahimowiç “Aýaks”, “Ýuwentus”, “Inter”, “Barselona”, “Milan” hem-de PSŽ, Hernan Krespo “Parma”, “Lasio”, “Inter”, “Çelsi” hem-de Milan” klublarynyň köýnekçesini geýen döwürlerinde Çempionlar Ligasynda gol salypdy.Ady agzalan 3 futbolçynyň şärik kluby-da “Milan” toparydyr. /* custom css */ .td_uid_15_672ea84aef8ff_rand.td-a-rec-img { text-align: left; } .td_uid_15_672ea84aef8ff_rand.td-a-rec-img img { margin: 0 auto 0 0; }