UEFA Çempionlar Ligasynda 27 ýyldan soň ilkinji gezek türk kluby çykyş etmez.Pleý-off tapgyrynda ýurduň çempiony “Trabzonspor” öz meýdançasynda Daniýanyň çempiony “Kopengagen” bilen duşuşdy. Çekeleşikli geçen oýunda hasap açylmady. 1-nji oýun 2-1 hasabynda “Kopengageniň” peýdasyna tamamlanypdy. Şeýlelikde, “Kopengagen” 5 ýyllyk arakesmeden soň 5-nji gezek Çempionlar Ligasynda çykyş etmäge hukuk gazandy. “Trabzonspor” bolsa 10 ýyldan soň Çempionlar Ligasyna 2-nji gezek gatnaşmak mümkinçiligini elden giderdi.
Netijede, türk klublary 27 ýyldan soň ilkinji gezek Çempionlar Ligasynyň daşynda galdy. Çempionlar Ligasynda soňky gezek 1995/96 möwsüminde türk kluby çykyş etmändi. Şeýle şowsuz wakany türk klublary 3-nji gezek başdan geçirer.
Olara bu ýaryş Çempionlar Ligasy adyny alan 1992/93 möwsüminde-de final tapgyryna gatnaşmak başartmandy.