Angliýanyň çempionaty “Premier Ligada” çempionlyk hem-de ligada galmak ugrunda ýiti göreş dowam edýär.Ligada galmak ugrunda göreş alyp barýan toparlaryň biri-de “Býornli” klubudyr.Topar şu wagta çenli 34 duşuşyk geçirip, 34 utuk bilen 16-njy ýerde barýar.
Klub geçiren şol 34 duşuşygynda “Aston Willa” bilen duşuşmady.Möwsümiň 1-nji aýlawyndaky, ýagny 18-nji tapgyrdaky duşuşyk “Býornliniň” oýunçylarynyň käbiriniň pandemiýa uçramagy sebäpli soňa süýşürilipdi. Şol duşuşyk “Aston Willanyň” meýdançasynda oýnalmalydy.
Tamamlanyp barýan çempionatda şol oýnuň jogap duşuşygynyň wagty gelip ýetdi. 7-nji maýda “Býornli” öz meýdançasynda “Aston Willany” kabul eder. 18-nji tapgyrda oýnalmaly oýun bolsa, 19-njy maýda Birmingem şäherinde oýnalar.
Bu bolsa başgaça aýdylanda, 1 oýny kem “Lids Ýunaýted” hem-de 2 oýny kem “Ewerton” bilen ligada galmak üçin göreşýän “Býornliniň” 2-nji liga (Championship) düşüp-düşmejekdigini Stiwen Jerrardyň tälim berýän “Aston Willa” topary kesgitlär diýmekdir.
“Premier Ligada” “Norwiç Siti” aşaky liga düşen ilkinji topar bolup, “Watfordyň” hem indiki tapgyrdan soň düşmegine garaşylýar. Aşaky ligada 1-2-nji ýerleri eýelän “Fulham” bilen “Bornmut” toparlary “Premier Liga” çykan toparlar boldy.