Türkmenistanyň futbol boýunça Milli çempionatynda 3-nji tapgyryň duşuşyklary geçirildi.Soňky çempion “Altyn asyr” hem möwsümdäki ilkinji duşuşygyny geçirdi.Ilkinji 2 tapgyry dynç alyşda geçiren “Altyn asyr” myhmançylykda “Şagadam” bilen duşuşdy.
Duşuşyk 11 hasabynda deňlikde tamamlanyp, çempion täze möwsüme ýeňişsiz başlady. 27-nji minutda Altymyrat Annadurdyýew hasaby açsa, 59-njy minutda ýer eýelerinden Hemra Amanmämmedow hasaby deňledi.Tapgyryň iň uly tapawutly ýeňşini “Ahal” topary gazandy.
Olar öz meýdançasynda “Merw” toparyndan 30 hasabynda üstün çykdy. “Ahal” toparyna ýeňiş getiren gollary 23-nji minutda Yhlas Saparmämmedow, 44-nji we 51-nji minutlarda Elman Tagaýew derwezä girizdi.Paýtagtymyzyň “Köpetdag” topary öz meýdançasynda “Nebitçi” bilen duşuşdy. Çekeleşikli we dartgynly geçen oýun 10 hasabynda paýtagtlylaryň peýdasyna tamamlandy. “Köpetdaga” 3 utuk gazandyran ýeke-täk goly 30-njy minutda Ýazgylyç Gurbanow öz adyna ýazdyrdy.
Duşuşygyň 77-nji minutynda “Nebitçiniň” oýunçysy Akmämmet Metdäýew 2-nji sarydan soň, gyzyl kart aldy.3-nji tapgyryň ýene bir duşuşygynda-da paýtagt topary Aşgabat şäheriniň adybir topary “Aşgabat” ýeňiş gazandy.
Myhmançylykda “Energetik” bilen duşuşan “Aşgabat” topary 10 hasabynda utdy. Ýeke-täk goly 78-nji minutda Sahupnazar Durdyýew derwezä girizdi.Geçirilen 3 tapgyrdan soň, 7 utuk toplan “Köpetdag” birinji hatarda barýar. “Köpetdag” ýaly ýeňlişsiz gelýän “Ahal” 2 oýunda 5 gol geçirip, 6 utuk toplamagy başardy. 3 oýunda 4 utuk ýygnan “Aşgabat” 3-nji orny eýeleýär.