Katar 2022 Dünýä Kubogynda “D” toparçada çykyş edýän soňky çempion Fransiýanyň ýygyndysy özüniň ilkinji duşuşygynda Awstraliýa bilen duşuşdy. Çekeleşikli geçen oýunda Awstraliýanyň ýygyndysy 9-njy minutda Gudwiniň goly bilen 1-0 öňe saýlandy.
Fransuzlar bu gola 27-nji minutda Adrien Rabio hasaby deňledi. 32-nji minutda-da Oliwie Žiru Fransiýany öňe çykardy. 2-nji ýarymda-da Mbappe we Žirunyň tapawutlanmagynda 2 gol geçiren Fransiýanyň ýygyndysy Dünýä Kubogyna şowly başlap, galan ýerinden dowam etdi.
Duşuşykda 2 gezek tapawutlanan Oliwie Žiru milli topardaky 50-51-nji gollaryny geçirip, bu ugurda Tierri Anriniň rekordyna şärik boldy. Şeýle-de, ol 36 ýaş 53 gün bilen Dünýä Kubogynda gol geçiren iň ýaşuly fransuz futbolçysy rekordyny Zinedin Zidandan (34 ýaş 16 gün) almagy başardy.