Duşenbe güni, 25-nji ýanwarda Londonyň “Çelsi” kluby iňlis hünärmeni Frenk Lempard bilen hyzmatdaşlygyny bes etdi. Bu barada toparyň saýtynda habar berilýär.
Ýatlap geçsek, 42 ýaşly tälimçi “göklere” 2019-njy ýylyň 4-nji iýulynda ýolbaşçy boldy. Premýer-liganyň häzirki möwsüminde topar 29 utuk bilen sekizinji orny eýeleýär. Mundan ozal klubuň “PSŽ” bilen Dortmundyň “Borussiýasyny” türgenleşdiren nemes hünärmeni Tomas Tuheli çagyrmak barada ylalaşandygy habar berildi.