Çehiýanyň Daşary işler ministrligi, Moskwadaky çeh diplomatlara garşy alynyp barylýan öjükdiriji çemeleşme sebäpli Russiýanyň Praga şäherindäki Adatdan daşary we doly ygtyýarly ilçisi Aleksander Zmežewskiýni ministrlige çagyrdy.
Çehiýanyň Daşary işler ministrliginiň metbugat sekretary Lenka Do metbugata beren beýanatynda, Çehiýanyň Moskwadaky ilçihanasynda iş alyp barýan diplomatlaryň rus resmileriniň öjükdiriji hereketlerine sezewar galýandyklaryny habar berdi.
Lenka Do, Russiýanyň Praga şäherindäki Adatdan daşary we doly ygtyýarly ilçisi Aleksander Zmežewskiýniň şol sebäpli Daşary işler ministrligine çagyrylandygyny we Russiýanyň Wena ylalaşygyna hormat goýmagynyň gerekdiginiň garşy tarapa ýetirilendigini mälim etdi.
Moskwadaky diplomatlaryň ýagdaýlary bilen bagly maglumatlaryň howpsuzlyk sebäpli paýlaşylmandygy aýan edildi.