Golliwudyň tanymal aktrisasy, awstraliýaly Teresa Palmer Melburn Kubogynda ýeňiji bolan ilkinji zenan çapyksuwar Mişel Peýn baradaky “Ride Like A Girl” atly filmde baş keşbi ýerine ýetirer. 32 ýaşly Palmer bu kinoda 15 ýaşynda ýaryşlara gatnaşyp başlan Mişel Peýniň keşbini janlandyrar.
Filmi Raçel Griffits surata düşürer we bu onuň ilkinji režissýorlyk işi bolar.Ekran eseriniň ssenarisini Andrýuw Naýt bilen Elise MakKredi ýazar. Öňümizdäki günlerde surata alnyp başlanjak filmde Palmerden başga-da, Sem Neill, Jeki Wiwer, Aaron Glenan, Henri Nikson, Zara Zou ýaly artistler dürli keşplerde çykyş eder.
Filmi 2019-njy ýylyň güýzünde ekranlara çykarmak meýilleşdirilýär.