Ak bugdaý etrabynyň Ak üzüm daýhan hojalygy galla taýýarlamak boýunça tabşyryga Ahal welaýatynda ilkinjileriň hatarynda hötde geldi. Tejribeli daýhan Ýusup Bäşimowyň ýolbaşçylyk edýän daýhan hojalygy boýunça 2024-nji ýylyň hasyly üçin 75 gektar meýdanda bugdaýyň Alekseiç görnüşi ýetişdirilip, orak möwsümine ilkinji günlerden jogapkärli çemeleşildi diýlip, Türkmenistan gazetinde habar berildi.
Habarda bellenilişi ýaly, daýhan hojalygy tarapyndan guşgursak ak bugdaýyň 168 tonnasynyň ýerine 475 tonna golaýy ýygnalyp, harmana tabşyryldy. Munuň özi meýilnamada göz öňüne tutulandakysyndan 307 tonnadan hem artykdyr.
Gallanyň döwlet satyn alyş bahasynyň ýokarlanmagy, şeýle-de daýhanlaryň ýylyň dowamynda goldaw-hemaýatlar, aladalar bilen gurşalmagy şu ajaýyp günlerde gazanylan zähmet üstünliginiň esasy şertine öwrüldi diýlip, habarda bellenilýär.
Daýhan hojalygynyň ekerançylyk meýdanyndaky hasylyň orlup alynmagy bilen, samanyny ýygnamak işine bada-bat girişildi. Indiki wezipe ýerleri geljekki hasyla öz wagtynda taýýarlamakdan ybaratdyr. Şoňa görä-de, meýdanlarda ýokary hilli sürüm işlerini geçirmegi maksat edinýän daýhan hojalygynyň zähmetkeşleri bu işde kämil tehnikalaryň hyzmatyna bil baglaýarlar.