Dünýä belli koreý aýdym-saz topary BTS täze eseri bilen ýene-de YouTube platformasynda uly üstünlik gazandy.K-pop toparynyň iňlis aýdymçysy Ed Şiran bilen bilelikde ýerine ýetiren Permission To Dance atly eseriniň şekilli aýdymyna ilkinji 24 sagadyň dowamynda 72,3 million gezek tomaşa edildi. Şeýlelikde, bu aýdym platformanyň taryhynda ilkinji gününde iň köp tomaşa edilen 10 wideonyň biri boldy. 6-njy ýeri eýelän bu şekilli aýdymdan başga-da BTS-iň 4 aýdymy hem ilkinji onlukda bolup, toparyň Butter atly aýdymy ýaýlyma goýberilen ilkinji gününde 108,2 million gezek tomaşa edildi we 1-nji orny eýeleýär.
Toparyň başga bir dünýä belli aýdymy Dynamite 100 million gezek tomaşa edilip, 2-nji basgançakda barýar.Toparyň ýene iki aýdymy Boy with Luv bilen Life Goes On degişlilikde, 5-nji we 7-nji ýerleri eýeleýär.
Ilkinji onlukda iň köp tomaşa edilen beýleki 5 wideonyň 4-si başga bir koreý k-pop topary Blackpink-e degişlidir. Şeýle-de, amerikaly aýdymçy Teýlor Swiftiň Me!atly şekilli aýdymy-da iň köp tomaşa edilen wideolaryň arasynda 8-nji orunda barýar.
24 sagadyň dowamynda YouTube-de iň köp tomaşa edilen wideolar
Butter (BTS) 108,2 million
Dynamite (BTS) 101,1 million
How You Like That (Blackpink) 86,3 million
Ice Cream (Blackpink bilen Selena Gomez) 79 million
Boy with Luv (BTS feat. Halsey) 74,6 million
Permission to Dance (BTS) 72,3 million
Life Goes On (BTS) 71,6 million
Me! (Teýlor Swift feat. Brendon Urie) 65,2 million
Lovesick Girls (Blackpink) 61,4 million
Kill This Love (Blackpink) 56,7 million